theme-sticky-logo-alt
theme-logo-alt

Lai e khublei ka KSU ya ka Amebaaihunsha Kharbih kawa yoh nyngkong ha ka SSLC 2022

Advertisement ad1

Ynne ka sngi, ka KSU hapoh i yahkhmat u President, u Lambokstarwell Marngar wa u General Secretary, u Donald V. Thabah deilang wa ki dkhot ka Central Executive Council da lai e khublei ki ya ka Amebaaihunsha Kharbhih kawa da yoh nyngkong ha ka Exam SSLC 2022 kawa da pynlai da ka MBOSE.

Ka Amebaaihunsha Kharbhih toh ka khon yong u Babunlad Syiemlieh wa ka Banrilin Kharbhih kiwa chong wa sah hapoh ka chnong Mawreng, East Khasi Hill District.

Advertisement ad1
Advertisement ad1

Ka Amebaaihunsha toh ka khynnah ka skur St. Paul’s Higher Secondary School, Marbisu.

I lai hiar kiwa yahkhmat ka seiñ cha ka chnong Mawreng toh yow yachem ya kani ka dong, ya ka bei u pa wa ya kiwa hayung hasem neidaw wym jooh em ka khynnah kawa em i bor pyrkhat wa yaar kam kiwa da heh, wei ini da pynktik yei pyrkhat kiwa yahkhmat wow sñiaw yei ktein wa ong ko, “I toh u kreh chitom yow tam cha khmat yong kiwi won ki jaitbru.”

Kamtæ ka KSU da e ko ya ka kyrwoh wa sñiaw sarong wa ka jaitbru daw ku ko chajrong ha ka puræ puthi. Da kitbok wow nang ku ko cha u moomær yong i thong ko wei da yooluti wa na ka wa ka jaitbru da ku ko cha jrong.

Ka seiñ da ong ko wa toh u man ym du kam u mookordor yong ka yung tangwa u man leh kam u mookordor yong ka jaitbru hi waroh kawi.

Share this:
Previous

Shillong Premier League: Nadien wan ka Nangkiew Irat arsien pyrchah ya ka Langsning yow kut da 2-2

Next

Paan yarap ka Synjuk Waheh Chnong Iooksi wa Saphi na u James yow pynim ya ka wah Kupli