theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Lai e khublei ka Synjuk Waheh Chnong ya u Garod LSN Dykes

Ka Synjuk Waheh Shnong Ri Jaiñtia (SWSRJ) ynnin ka sngi kam ka dak wow sah khana ya i chakri yong u Garod LSN Dynes, kam u Deputy Commissioner ka West Jaiñtia Hills District ha ki 3 snem tam wa dalai chadein hadooh ynnin ka sngi, kamtæ ka synjuk dei sñiawngooh sñiawburom ko yeini i e chakri yong uni u sahep hapoh ka District hi waroh kawi liang wa nang da lai e khublei ya oo.

Ka synjuk da ong ko wa da ye u leh u pynlai bait ya chiboon ki kaam ha ki kaam pynroi, nadooh napoh sor hadooh ha khapsor wei chiboon kiwi kiwi ki kaam wa da kreh chitom wei da lehbha u kam u DC khamtam ha kini ki snem wa wan poi ka kjut khlam COVID-19.

Advertisement ad1

“Dei kreh chitom wei da i stat yong oo da ye u pynsuk pynjem i eh i khor ha waroh ki liang wa chem kiwa chong chnong yong ka West Jaiñtia kamjooh leh hapoh ka Ri Jaiñtia hi waroh soodong,” da ong ka synjuk.

Kamtæ kam ka dak wa pynyoo yei sakhi, ka synjuk da e burom ko da ka Memento sah parom khana wa da i kyrkhu kyrdoh wa i ngooh Blai, hapoh ka kamra krehkaam yong oo.

Ya ka synjuk da yahkhmat da u President yong ka Governing Body u A. Lipon, u General Secretary u B. Shylla wa kiwa kitkaam ka synjuk kiwa hakhmat na ki Block Unit waphær waphær yong ka Ri Jaiñtia.

Advertisement ad1
Share this:
Previous

Ki jooh wa emkti hei yap u Damehipaia wa u Fullmoon, soo ngut wa chah kem

Next

Kyntait u Conrad wa em i baamsap hawa thied kari pulit