Ka seiñ Hynniewtrep National Youth Front (HNYF) East Jaintia Zone da lai e yarap ko cha ki khon swet kiwa em ha chnong Wapung hapoh ka dong Iong Ryngkhlem Shwar wei ini i yarap man ko kam chibynta wow kitkhlieh wow kyrchaan wei e mynsien ya kiwa emkaam yarap sakhiat.
Neiliang u Satly Ryngkhlem uwa man kam u President ka Zone da ong u wa i hiar ka seiñ cha kani ka thaw toh yow e mynsien ya kini ki khon swet yow lait ki u dooh mynsien dooh kyrmen yow sñiaw ki wa ki toh kiwa dang em dor wei ka imlang sahlang smat ko wow emlang chirup wa ki heipor wa chem ki iyi iyi iwa eh.
Ka seiñ da pynchlur ko leh ya ki paidbah wow em ki yei ya krehlang wow yarap ya kini ki khynnah.
Discussion about this post