Deiwa sñiawkhia yei hiar ka puræ puthi heiwa iwi na ki daw toh wa duna i yoh i kot ki bei ki pa iwa da pynpoi hadooh wa ki khon da hap ki wow sangeh puræ noh chiteiñ por, neiliang ka seiñ KSU Wapung Unit da pyrchang ko wow leh iyi iyi hanla deiwa khian hajrong ini i bynta.
Kamtæ ynne ka seiñ, neiliang ka seiñ da lai e yarap ko ya ki khynnah wa lai puræ ka Moopynien LP School wa em ha Wapung Skur, East Jaiñtia Hills District neibhah ha kani ka skur kiwa boon hi ki khynnah toh kiwa wan na ki manyung wa dooh wa duk wei ki wym joh bor wow lai puræ ha ki skur wa sy’at.
Neiliang ka seiñ da saam ko da ki Copy, ki let, ki khulom wa ki rubber cha ki 32 ngut ki khynnah kani ka skur.
Ka seiñ da ngait skem ko leh wa ki khynnah da ini i e yarap ym ieh de ki yei puræ puthi wei daw minot ki khop khnang wa mynstep mankawi daw man ki kam ki khloor wa tyrchaaiñ ka jaitbru Ynñiawtrep.
Chooh chooh ka seiñ da yooluti ko wa da ini i yarap wa khian daw yarap i leh wow pyndooh jait yei dam skur wa chiteiñ por.
Discussion about this post