Ka Kyrmen Foundation kam chibynta i lehkmen Children’s Day, ynnin ka 14 tarik da lai li pait ko ya kawi ka manyung wa chong wa sah ki 4 ngut ki chi payu ki khonswet ha chnong Pynthorsale, East Jaiñtia Hills District hei emlang u Waheh Chnong, u Yooki Phawa wa u Secretary Chnong, u Pyrdimi Phawa.
Manda poi heini i yung, ka Kyrmen Foundation da chem ko wa i yung wa chong wa sah kini ki khynnah man i iwa khian wei wa jæd bha, wei da chet baam, chet dih, thiah ki leh pna ki hi.
Kini ki khynnah da dooh ki yaka bei la 3 snem tam kattu neidaw wa khlaad noh ko hadien wa dep kha ya u khon khian wei da yarap wow pait u yoo ki daka Beilood yong ki.
Da pyntip wa ka waheh dooh kawa dang du 10 snem da hap ko u pait yaka yung ka sem deilang wa ya ki diah wei hawa maad won ki yei kjut i chitom, neiliang u waheh chnong leh ym jooh ieh u ki.
Kamtæ neiliang ka Kyrmen Foundation hawa lai li pait ya ki, da rah ki deilang u khoo, ki jhoor, ki sula ki that, ki kymmor deilang wa i baam khynnah.
Kini ki khynnah da maad ki chiboon i eh i khoo nadooh ka yung wa sah ki, neitæ hawa kjut chitom, ki tiar pynemkaam ha yung wei da emkaam bha ki u yoh yarap na kiwon kiwon ki seiñ næ bru samen.
Discussion about this post