Hei lehkmen yaka 70th All India Cooperative Week kawa da pynman daka chnat Cooperation ka sorkar jylla chirup i yakrehlang ka Meghalaya Cooperative Apex Bank Ltd Shillong, ka Meghalaya Livelihoods and Access to Markets Project, ka Meghalaya Basin Management Agency ynne ka sngi ha chnong Shangpung, West Jaiñtia Hills District, u Montri ka chnat Cooperation ka sorkar jylla, u Comingone Ymbon uwa da wan emlang kam u kongsan, ong u wa neiliang ka sorkar hi neipor cheipor da pynmih ko ya ki Scheme wa boonjait yow pynchlur seiñ khih ya kiwa chong chnong ka jylla næ wow yarap katkam i emkaam yong ki khamtam ha kani ka juk wa duna khih sorkar.
Tangwa ki bru won man-i-por klam bait ki hajrong i dooh khih dooh kreh, wot hawa i kreh boon ki haka jylla.
Hajrong i wan psiah ki baar jylla ong u i daw toh wa ki bru yong i swe ki u kreh wot yei khih wa ye ki u kreh, iwa hei sakhiat la waroh man i kiwa kreh chitom wei smat u kreh ya iwon iwon i khih ym em uwi leh u bar jylla wow neh chong sah hapoh jylla yong i.
Chooh chooh neidaw wa yoo luti bait du yei khih sorkar, ong u boon naki bei ki pa leh wot hawa ki khon da kreh da khih ki wa ki bru samen næ i khih yong ki hi leh, ong bait ki wym em khih em kreh ki khon, wei wot hawa ki khon ki da kamai ki daki phaw hajar næ da ki lak chi bnai leh.
Kamtæ kyntu u ya waroh wow man kiwa kreh chitom, wei ya kawon kawon ka Scheme yarap wa yoh naka sorkar leh toh u nangpynheh pynkrai, najrong wow sdang leh dei kreh i wow wanrah myntoi.
Da pynchlur u leh wow chim kabu yaka CM-Elevate kawa da wanrah kyrpang ya kitu kiwa kwah wow seiñ khih ha ki kaam uiñke suwari, ka rep ka riang, ki kaam pynwyrngia wa kiwi kiwi de.
Discussion about this post