Lai e yarap ka NPYF 1-Nartiang ₹32,000 cha ka manyung wa dooh ya ki khon hei iñ yung  

Ka NPYF 1-Nartiang Constituency da lai e yarap ko cha kawi ka manyung wa em ha Namdong-A kawa da dooh noh ar ngut ki khon hadien wa iñ i yung wa sah ki.

Kam ka dak e yarap, ka NPYF da e ko da ka song poisa wa ₹32,000 deilang ki kyntien wow pyntngen wei e mynsien ya ka bei wa u pa kani ka yung.

Neiliang u President yong ka NPYF Wahiajer Unit, u Wanshan Laloo da ong u wa i wan yong ki ym du wow e yarap wa khian tangwa wow pyntikna wa kawon kawon ka yung wa chem yei eh ha ka imlang sahlang wa ka NPYF daw em ko chirup wa ki.

Ha kani ka sngi da emlang leh u waheh chnong ka Namdong-A, u Dawan Lyngdoh wa u Denis Dkhar deilang wa kiwi de ki waheh wa ki dkhot yong ka NPYF 1-Nartiang Constituency, kiwa da pynsñiaw yei sñiawlem wa ka imlang sahlang u em ko ryngkat wa kani ka manyung ha ini i por wa jinjar.

Related posts

Sdang ka MPUF ya ka Laskeiñ Unit

October 6, 2025

Lai khang ka KSU ya ka dukan dai dawai wa em da ka Doctor ka wym pu em yoh License

October 6, 2025

Puræ leh: Lai e yarap wei e mynsien u Sniawbhalang ya ka manyung wa dooh ya ar ngut ki khon hei iñ yung