Lai e yarap ka Seiñ Kynjei ya ka 7 Thyndai Child Care Institute

Jowai: Ka Seiñ Kynjei kawi na ki seiñ yong ki chilok na Jowai ynne ka sngi da lai e yarap ki ya ka “7 Thyndai Child Care Institute Cum Counseling Centre”, Tuber Kmaichnong kawa man ka thaw ri khynnah wa pait wa pynlai da ka Seiñraij Tuber Women’s Wing (STWW).

Hachwa wow e yarap da em ka yalang wa tbian kawa da pynlai da u Samehi Laloo, heiwa da yoh leh ya ki kyntien ngoohblai na u Kaida Thma.

Neiliang uwi na ki dkhot ka seiñ, u Careme Phawa hawa e yei klam da ong u wa i pyrtuid Seiñ Kynjei ymtoh du wow sñiawbha donhi tangwa ki kaam yong ka toh u man ki kiwa kynjei kiwa bha. 

“Kani ka seiñ man ko ka seiñ yong ki chi lok kiwa e kyllooid mynsien na kata khlem lai paan yarap na ka sorkar næ kiwi kiwi ki thaw næ bru samen heiwow e yarap ya ki khynnah ha kani ka thaw,” da ong u Careme.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Da ong u leh wa kani ka seiñ man ko kawa lai e yarap sñiawbha cha ki thaw wa emkaam yarap katwa joh i bor yong ka weiwa

Neiliang ka Secretary ka STWW, ka Faithtis Ryngkhlem da e khublei ko ya ki dkhot ka seiñ kawa da noh kyllooid mynsien na kata wow e yarap ya ki khynnah neibhah wa da em ki kynti heiwa da em kiwa pynemkaam bakla ya i pyrtuid kani ka thaw khlem yohbor na kiwa pynlai yong ka.

Khaddooh chwa wow pynkut ya ka yalang da yoh ya ki kyntien e khublei na u Longda Bamon.

Ha kani ka sngi da e yarap cha ki khynnah da ki sula, ki kot, let-rong, ki baam wa kiwi kiwi.