Jowai: Ka seiñ Jaintia National Volunteer (JNV), hadien wa ioh khubor ki wa ka Community Health Centre (CHC) ha Laskein Block ym em ye ko u pynbiang dawai ia ki paidbah iong katai ka thain, ka seiñ hapoh i iahkhmat u Strong Pillar Talang, Education Secretary deilang wa ki dkhot ka seiñ ha kani ka 19 tarik uni u bnai da lai jurip bniah ko ia katai ka CHC wei da chem ki iaka sakhiat wa ym toh duh ki dawai hynrei hadooh ki Doktor, ki Nurse, ki nongkreh wa ki tiar sumar kam ki X-Ray, Scanning wa kiwi kiwi iong kani ka CHC ym em biang ki.
Ka seiñ da chem ko leh wa hapoh kani ka CHC boon kiwa kjut, duna ki nongsumar wa ki dawai, ka seiñ ha ka li jurip ko da chem ko wa kani ka CHC tang kam ki dawai kjut khlieh, dawai pynhiar ne prai kiwa toh u biang bha leh ym ye ko u pynbiang ia kiwa kjut iong katai ka thain.
Na ka liang ka seiñ da kyrpad ko ia ki nongpeit ia ki dawai iong ka CHC u chim khia da iwa pyntip ki cha ki nongphah dawai kamjooh ia ki nong e dawai wa toh ki u chim khia u pynbiang dawai ia ki CHC khamtam ia ki dawai khynnah neibhah kamwa 70 na ka chispah ki wakjut toh ki khynnah khian wa ki khonbo. Kamjooh ka seiñ da kyrpad ko u e dawai kiwa iatoh iong ki khynnah cha ki khynnah ym toh iong kiwa heh cha ki khynnah, ia kani hap husiar bha kiwa e dawai iow iada ia kiwa kjut.
Ha i iatoh wa kani, ka seiñ ynne ka sngi da lai iachem ko wa u District Medical & Health Officer (DMHO) ka Jaintia Hills u Dr. Tongper, ha kawa na ka liang iong Oo da phla u wa i duna ki doctor ha katai ka CHC man ko kawa sakhiat.
Ka seiñ da kyrpad ko ia ka tnat iong ka koit ka khiah u pynbiang doctor wa ki nurse katkam ka bhah iong katai ka CHC, kamjooh leh ki nongkreh. Da booh kyrpad leh yow pynbiang ia ki dawai dashin. Ka CHC leh emkam ko ia ki doktor specialist kam ki ENT, Pediatrician, Gynecologist, Dentist wa kiwi kiwi de. Pynkut ka kyrwoh na ka seiñ JNV.
Discussion about this post