Kawi ka rel wa kit mar da lai ko palat ynru tylli ki Station iwa da man 80 Km i jngai khlem em wa yah ka chwa wow ye u pynsangeh ka haka Station wa ynñiaw deiwa pynemkaam da ki churia chyiap.
Ini da jia i haka 25 tarik uni u bnai heiwa kani da lai ko na Kathua, Jammu & Kashmir wei dapoi ko ha i chnong wa em ha Hoshiarpur District, Punjab.
Kani ka rel toh kawa taan ya 53 tylli ki daba kiwa kit mooria wei da sdang ko wow lai pna ka hi nadooh na Kathua Railway Station neidaw wa rap noh chariñ ini i thaw wa sangeh wei da lai ko cheiliang Pathankot.
Ki bor wa pynlai yaka rel hadien wa tip yeiwa sdang kani ka rel u lai khlem em wa yah hei smat wa hadooh palat 70 Km/h. Da khang ki ya waroh ki luti yong kiwi ki rel wa ha waroh ki thaw wa lai ko na ki sarok paidbah wei da pyrchang ki leh wow thooh buit da kiwa boon jait yow pynsangeh ka tangwa ym krehkaam ki wei da lai ko khlem wa yah palat 6 tylli ki Railway Station.
Ini da sdang i heipor kamwa 7:13 i step heiwa kani ka Train da sdang ko wow khih dei bor yong ka ki neidaw wa chariñ i thaw wa sangeh ha Kathua Railway Station wei suki suki da sdang ko wow smat u lai wei dapoi ko ha Madhopur Railway Station heipor 7:24 i step, ha Sujanpur Railway Station heipor 7:30 wei da joor bha i smat ko heiwa dapoi ko ha Bharoli Station hapoh 3 minit deiwa poi heipor 7:33 katwa ha Pathankot Cantt Railway Station heipor 7:36.
Ki paidbah hadien wa bna wa jia ini da yoh ki leh wow riñ dur ya kani ka rel iwa da poor kylleiñ ki rynsan Social Media.
Da pyrchang wow pynsangeh ya kani ka rel ha Pathankot wa Mukerian Railway Station neitæ ha Kandrori Railway Station heipor 7:47 i step.
Khaddooh da pynsangeh ka ha Unchi Bassi Railway Station heipor 8:37 i step deiwa booh da ki churia wa em chyiap ha u Railway Track.
Ki sahep ha chnat Railway da pyntip ki wym em bru hapoh kani ka rel wei da sangeh ko ha Kathua Railway Station yow kylliang da uwi u bru wow yah ka.
Heiyatoh wa ini wa jia, 6 ngut kiwa kreh da chah pynchitom ki deiwa beh kreh deiwa chipor.
Discussion about this post