Ka sahep ka chnat i chait i khiah ka Meghalaya da yachem ki wa ka Dr. Mazel Ampareen Lyngdoh kawa man kam ka Montri kani ka chnat yow pynjanai yei chakri hei chait i khiah kiwa chong chnong ka jylla.
Ha kani ka yachem, ki sahep ka chnat da khana ki ya kiwa boon ki kreh wa dang pynkreh wa ki thong wa da poi ha ki snem wa da lai kam i e chakri ya kiwa wan thooh dawai hapoh ka Megha Health Insurance Scheme, i sdang ya ka Meghalaya Health Systems Strengthening Project, ka Meghalayan Medical Drugs and Services, ka Meghalaya Medical Services Recruitment Board, ka Rescue Mission waka Digitization and Technology neibynta ki kaam sumaar.
Neiliang u P. Sampath Kumar, Principal Secretary da khana u wa ka chnat kreh ko neibynta ki le liang katkam ka Meghalaya Health Policy, 2021 wei kini kynthup ki nadooh wow e sumaar deiwa yada, u pynchiat lyngba ki CHC, PHC wa ki Sub Centre wei wow wanrah ya ki kyndon wa ki thong krehkaam.
Lyngba kini, ka chnat da yooluti ko wow pynjrong yei rta wa im ki bru, u pynchlur ya ki bru wow wan ki chakhmat yow chah sumaar yow yoh yei chait deiwa pynbiang leh yeiwa emkaam kiwa kha khon.
Ki sahep ka chnat da khana ki leh cha ka Montri yei eh wa da maad ki kam i duna bru wakreh, i pynpoi yei sumaar cha ki thaw wa jngai wei i mih ki kjut kam nei dih sikret, ki jait dih pynmuaid wa kiwi kiwi de.
Hadien ini, neiliang ka Montri da pynsñiaw ko yei sñiawngooh ya kiwa kreh ka chnat kiwa da yarap ya kiwa kjut wa chitom cha kiwa chong chnong ka jylla.
Da kular ko leh wa ka sorkar daw e yarap ko wei da pynchlur ko leh ya ki sahep wow wan chakhmat yow e buit kamjooh ki MLA ki Constituency wei daw pait bniah yei bha i miat kiwa kreh ka chnat.
Da ya emlang leh ha kani ka sngi wa u P. Sampath Kumar, Principal Secretary, ka R.M. Kurbah, Secretary, u Ramkumar S, Secretary, ka Twinkle Marak, Deputy Secretary, Dr. H.C. Lyndem, Director, DHS(MI), Dr. Y. Phira, Director (Research), Dr. S.S. Nongbri, Director (MCH & FW) wa kiwi de.
