15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Lai khang ka KSU Hingaria Unit ya i pynkreh kær pood ka India-Bangladesh

0 Comments
Advertisement ad1

Jowai: Ka KSU Hingaria Unit deilang wa ki tre thaw da lai khang ki yei pynkreh ya i kær khapood ka India waka Bangladesh. I daw bah wa ka seiñ da lai khang ko ya ini toh neidaw wym mano ki bor sorkar næ ka Company wow su bai lutsan cha ki tre thaw wa em hok wow yoh heiwa ki thaw yong ki da dep wow tympra da ka Company NBCC wakreh ya ini i kaam.

Ka seiñ da ong ko wa nadooh wa sdang wow kær pood da su du ya ki kattu katni ki bru wei hadien wa dep yachem ya ki bor District, neiliang u Deputy Commissioner da kular u wow su ya iwa dang sah.

Ka seiñ da ong ko wa ym e laad ko ya kiwon kiwon ki bor sorkar næ ka Company wow thombor ya ka hok yong ki para doh para snam. Khamtam wow pynjæd pynpra ya ka thaw rep khlem da su bai lutsan.

Neiliang u General Secretary ka chnong u Garnes Talang da ong u wa ka chnong ym em pyrchah ko wow kær pood tangwa sñiawsih wym bna u su yaka bai lutsan yong ki tre thaw.

Ini toh ktkam wa pyntip u President ka KSU Hingaria Unit u SS Lamin.

Also Read: Pynsangeh ka KSU Narpuh Circle yei kær pood kat wym pu yoh ki tre thaw ya i bai lutsan

Share this:
Previous

Pynchlur wei e yarap poisa ka KSU-NC ya u Mihsalan Truh u wow lai chimbynta haka Asia Youth International Model United Nations ha Malaysia

Next

Pynkylla ka Dorbar Chnong Sonapyrdi yaka riti krehkaam chnong yow khang nei chong kha wa ki baar jylla