Lai ki chi chan cha Goa yow bia tangwa chah pynyap ka kynthai ha u chynrang

Ki pulit ka South Goa da yoh ki wow kem ya u bru wa em 22 snem i rta uwa pynyap ya ka chan u heiwa da chem yei metyap ko napoh iwi i khloo wa em ha Pratap Nagar. Kini ki chi jur da wan ki na Bengaluru cha Goa dei thmu wow bia tangwa hadien wa mih i yamai hapyrdi yong ki da poi noh cheiwa sñiawsih.

Uwa chah kem toh uwa tip kam u Sanjay Kevin M uwa na North Bengaluru, Karnataka katwa ka kynthai won toh ka Rohni Moses M (22 snem) kawa na kani ka jooh ka thaaiñ.

U Sanjay hadien wa dep u wow pynyap ka da yut u tangwa da chah kem u ha Hubballi, Karnataka deiwa yarap ki pulit kani ka thaw.

Katkam wa chem ka takit ki pulit, kini ki ar ngut da wan ki cha Goa dei thmu wow bia tangwa na ki daw wym tip da mih i yamai hapyrdi yong ki ha ka 15 tarik uni u bnai heiwa u Sanjay da pynyap u ka wei da noh u yei metyap ko hapoh iwi i khloo.

Yei metyap ko da chem ha ka 16 tarik wei hawa pait wa sylli bha ki pulit yeini i thaw da chem ya kawi ka Bus Ticket napoh ka snieh-poisa kani ka kynthai kawa pynyoo wa kani ka bru da ku Bus ko na Hubballi, Karnataka.

Related posts

Chah kem u Police Inspector wa baam poisa na u hehspah deiwa maham

January 31, 2026

Yap soo ngut ki khynroo na Assam ha iwi i kamra ha Bengaluru

January 31, 2026

Kamtæ ki pulit da pynmih khubor ki yei dur yong ka wa da chem hapoh ka snieh-poisa ko heiwa da ye wow tip toh ka Roshni.

Manda takit chooh chooh da chem wa da yalang chan ko wa u Sanjay la san snem kattu wei da wan ki cha Goa ha ka 15 tarik da ka Bus, tangwa hapoh ka Bus da mih i yamai wa joor bha wei da hiar ki ha Piliem-Dharbandora, South Goa.

Hadien wa hiar Bus, u Sanjay da yah u ya ka Roshni chapoh iwi i khloo wa em hajan wei da pynyap u ka deiwa ah yow rdang ko da ka tari wei da yut u na kani ka thaw.

Deiwa suba wa u Sanjay da emkti u wow leh yeini i kaam da lai thooh oo cha i chnong wa sah u wei da yoh wow kem oo na Hubballi pyn hei miet ka 17 tarik hapoh 24 kynta wa chem yei metyap.