Ki 18 ngut kiwa sah ha Maxwelton Estate wa em ha Rilbong, Shillong kiwa da chah pynbaad wa da sah ki pyrchah aiñ ha kani ka thaw da lai yaleh mukotduma ki ha ka Meghalaya High Court hadien wa da yoo ki yei mih khubor wa em i dawa wow beh ki na ini i thaw.
Ha ka mukotduma wa da chong bichaar nyngkong ha ka 23 tarik uni u bnai, da ong ki wa nadooh wa mih khubor da chah pyndik ki ha ki bor pulit deiwa khlem bood ya ki kyndon aiñ.
Neiliang ki muktiar kini kiwa yaleh mukotduma da ong ki wa da chah khut ki wow wan cha Laban Police Station heipor wa khyllah khyllah wei da chah kylli takit wot hawa ym em Case næ kawon kawon kawa da leh pyrchah ya ki, kamtæ da dawa na ka yung bichaar wow e hukum wym toh u pyndik ki, wei lada leh iyi iyi toh u leh katkam ki kyndon ka aiñ.
Neiliang won ka muktiar ka sorkar da paan por u yow pynsakhiat wa lada ini wa kam kini ki bru toh iwa man sakhiat heiwa da e por wow leh yeini.
Ka yung bichaar da ong ko wa lada leh iyi iyi da ki bor sorkar toh u leh katkam ka aiñ deiwa bood ya ki kyndon wei da tip leh yei em ki seiñbhalang kiwa da dawa wow beh ya kini ki bru, kamtæ da pynkitkhlieh ha ka sorkar wym toh u jia iyi iyi wym sñiawsuk ha ini i thaw.
Discussion about this post