Kiwa yahkhmat ka KSU kiwa da lai ynne i step cha Maxwelton Estate wa em ha Laban da rai ki wa daw lai yachem ki wa ki bor pynlai District, tangwa da klam che wa lada ym em i pynkhreh wow chim yei rai, ka seiñ ym bien ko wow lai pynlut por donhi.
Hadien wa ka KSU ynne i step da lai ko wow chna yung ya ki Khasi ha Maxwelton Estate wei da wah leh ya ki Banner, neiliang ki bor pynlai District wa kynthup ya ki Magistrate deilang wa ki pulit dapoi ki cha katai ka thaw, wei neiliang ki bor pynlai District da pyrchang ki wow yaklam pynbait wa kiwa yahkhmat ka KSU.
Tangwa neiliang kiwa yahkhmat ka KSU wa kynthup ya u General Secretary, u Donald Thabah wa u Reuben Najiar da klam che ki wa lada ki bor wa toh u pait khut ki wow yaklam daw lai ki du lada pynbiang lut yeiwa emkaam hajrong kani ka thaw wei da ye ki wow chim rai wow leh iyi iyi pyrchah ya kiwa chong pyrchah aiñ ha Maxwelton Estate neibhah ka seiñ ym pdiang ko du yei kular wow leh iyi iyi.
U Donald Thabah uwa dapoi ha Maxwelton deilang wa kiwi kiwa yahkhmat da wai ki ya kawi ka yung kam ka dak wa ka KSU e kti ko cha ki tre chnong kiwa emkaam yei thaw sah.
Discussion about this post