Ka Trekking Adventure Enthusiasts Dkhiah West kawa em yei ktien im sngi wa ong “U booddien ya ki dien kjat ki waheh wasian” kam chibynta wow pynkhai im yei yong u warim, ynne ka sngi sa chisien da yoh ko u pynman yaka 5th Trekathon deiwa lai kjat nadooh na chnong Dkhiah West, EJH chadooh u mot u khlawait ka Ri Pnar, u Kiang Nangbah wa em ha Syntu Ksiar, Jowai.
Da wan wow ya chimbynta nadooh ki waheh chyrnang wa kynthai, ki manbei manpa, ki Doctor ki Nurse, ki Engineer, kiwa sikai skur wei kawa khian rta dooh toh ka Niwa Dan kawa dang 6 snem i rta kiwa na chnong Wapung, Iongkaluh wa na Lad Rymbai.
Kani ka lai kjat da man ko kawa da pynryum mynsien ya waroh neidaw wa yoh ki u sakhi ya ki dien kjat ki waheh wasian nadooh ki por yongrim wa lai yaaw lai haat ki cha Iawmusiang, Yaaw Kyllaw dei kjat bait heiwa dang chem ya ki moomær, ki moo pynyieñ kiwa dang neh dang sah hadooh katni leh.
Kam wow pynkynmoo wa ya kani ka kaam lai kjat toh kawa sdang ha u snem 2017 deiwa yah luti ki 3 ngut ki waheh kitæ u Muni Swer, u Jiren Swer wa Kidras Sympli wot ha i rta wa da tam 70 snem dang ye ki u yahluti hadooh wa man katni.
Kam ki khynroo ka chnong Dkhiah West kwah ki wa ki dien kjat ki warim toh u kynmoo u booddien ki katwa ye wei wow bood nongmuna yeiwa da yah ki warim deiwa sumaar pynbha pynmiat neibhah wa im i ha ka pyrthai wa ka bei ramaw emkaam ko yei sumaar sukhær lym kamtæ daw hap takor i ya idæ.
Yei klam maitphang chaphang kani ka kaam lai kjat da yoh na u Dr. R. Phawa uwa da e ya ki ktien sneiñ kyntu wei da yoh yei duwai na u Tyngshain Phawa.
Chaphang u khlawait ka Ri Pnar, u Kiang Nangbah da yoh na ka Percia Phawa kawa man kam kawa sikai ka Jaiñtia Eastern College wei da pynkut yeini i lai kjat dei baam ja khawai ha Madan Kmai Blai Syntu Ksiar.
Discussion about this post