Ka Khasi Students’ Union East Jaiñtia Hills District Unit ynne ka sngi da yoh ko wow yachem wa u DC yow yaklam hajrong ki kynrum kynram wa mih na iwa jia ha Bangladesh wei wow kylli neiliang ki bor District iyi wa da leh ki wa ki laad yada wa da pynkhreh lada em kiwa na Bangladesh kiwa chim kabu yow psiah tooh chapoh ka jylla Meghalaya lyngba ki thaaiñ khappood.
Ka seiñ da ong ko wa ha East Jaiñtia Hills em ki kattu katni tylli ki chnong kam ka Huroi, Hingaria, Lailong (Lahaleiñ), Borsara, Lejri, Dona Bhoi, Donaskur, Dona Umbluh, Ampyrdit, Lumsohski wa kiwi kiwi kiwa em marjan wa ka ri Bangladesh.
Da ong leh wa ka jylla yong i chong syier ko na i kynaad ha katai ka ri wei da yoo leh lyngba ki laad pathai khubor wa da ki hajar ngut ki Bangladeshi kiwa da thmu wow wan psiah yabor cha India.
Neiliang u DC da khana u wa hadooh kattæ ym em iwon iwon i psiah tooh lyngba ka East Jaiñtia Hills wei katni dang man jai-jai, kamtæ ka seiñ da kyntu ko yow DC wym toh u kheiñstiñ tangwa wow phah ya ki bor chnong khamtam kitu ki chnong wa em ha khappood wa ka ri Bangladesh wow man kiwa syndong.
Ka seiñ da pyntip ko wa ha kani ka 17 tarik daw lai ko cha ki chong khappood ha Huroi yow pynman yalang wa ki dkhot yong ki chnat ka seiñ wa em heitai deilang wa kiwa yahkhmat chnong wow yaklam sani yeini i kaam.
Discussion about this post