Jowai: Ka tnat Excise ka West Jaiñtia Hills ynne ka sngi da lai kynreh kiad ko na ki dukan wa em ha Iawmusiang wei da yoh ko u khyrrup 4.80 Liter i kiad pharæng wei da kem leh ya 5 ngut kiwa dai kiad tooh.
Ya kini ki 5 ngut da pyllait ya hadien wa soi ki ya ka Personal Release Bond wei daw haap wan hajir ki hakhmat ki Magistrate.
Na Mihmyntdu won napoh iwi i khloo da yoh ya 3 tylli ki dun wa em kiad lieh iwa poi 60 litre wei ympu tip ya kiwa murieh ya ini i kiad.
U D.D. Marwein Inspector of Excise ka West Jaiñtia Hills da pyntip u wa daw pynjoor chooh ya ini i kynreh kiad ha kylleiñ ki thaw yow pyntikna wa ka Election man ko kawa suk wa kawa lai bait.
Discussion about this post