15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Pynman yalehke biang ka TJSC hajrong ka Election wa khooid

0 Comments
Advertisement ad1
Advertisement ad1

Jowai: Ka Theatre Club ka Thomas Jones Synod College hei ya krehlang waka yungkrehkaam u District Election Officer ka West Jaiñtia Hills kawa man leh kam chibynta ka Systematic Voters Education and Electoral Participation (SVEEP) kawa pynchlur ya ki paidbah wow thap pyrtuid ki hapoh ka Electoral Roll kamjooh wow mih lai li thap Vote, ynne ka sngi da pynman biang ya ka yalehke drama ha Iawmusiang wow pynsñiawthooh paidbah yei kordor ka Vote yong ki.

Chwa kani ka drama da yoh da i chaad na ki dkhot ka NSS Unit ka College.

Ka drama toh kawa pynchlur ya kiwa thap Vote wow man ki kiwa em i kitkhlieh wei wow pynemkaam hok ya ka Vote.

Ha kani ka drama da pynkynmoo ya ki paidbah wym hoi u chah pynbiej ha ka poisa, i kiad, i e sñiawbha da ki tiar ki tar wei wow jied ya u namo ka kyrtong deiwa pyrkhat ya ka mynried ka chnong ka thaw, ka jylla wa ka ri waroh kawi.

Da yoh leh ya i klam na u W. Lamin uwa sikai hapoh Thomas Jones wei man u leh kam u NSS Unit Officer uwa da pynkynmoo ya ki paidbah wow man ki kiwa da pyrkhat sani bha wei ymtoh u hoi u chah yah bakla ki wei toh u tip ki yei hok wow jied ya u namo ka kyrtong wa sñiawbiang ki.

Share this:
Previous

Lada poi hei bor ka BJP daw pyllait biang ko ya i tih mooyong: Amit Shah

Next

Lai kynreh dukan dai kiad tooh ka Excise ha Iawmusiang