Jowai: Kam chibynta wow pynduna yei wan khayi wei kreh mylla ki baar jylla ha ka thaaiñ Phramer, West Jaiñtia Hills District, ha ka 30 tarik uni u bnai ki ar seiñ wa kynthup ya ka Hynniewtrep Youth Council (HYC) wa ka Jaintia Student Movement (JSM), chirup wa ki VDP chnong wa ki pulit da lai kynreh ki ya ki dukan wa ki karkhana ki baar jylla kiwa em ha katai ka chnong.
Da kynreh hadooh kamwa 35 tylli ki dukan baar jylla heiwa da chem wa boon na ki ym biang ki ya ki kot ki sla.
Ya ki wym biang kot da e por ya ki chi tayaw wow leh ki yeini, wei lada ymye ki daw dawa wow khang noh ya kini ki dukan wa ki karkhana yong ki.
Ha kani ka sngi da em leh ki dukan wa haap u khang neidaw wym em ki wot kawi wot leh ka kot wow pynsakhiat wa man ki ki tre ri.
Da em leh ki dukan kiwa khang khlem wai neidaw wa yut ki tre wei ya kam kini ki dukan ki seiñ wa ki bor VDP da khang ki sa uwi u tylla ha ki.
Ha ini i lai kynreh kot da em u R. Lamare President HYC, P.S. Phawa Joint Secretary JSM, Firstborn Sari President VDP Phramer, neiliang ki pulit da em u u A.R. Marak Sub Inspector Phramer Traffic Cell, ka I. Nongrum na Women (Infiltration) PS Jowai, ryngkat ki dkhot ki ar seiñ na ki Circle wa Unit waphær waphær.
Discussion about this post