Ka seiñ Congress na Ri-loom Jaiñtia ynne hapoh i yahkhmat ki ar ngut ki MDC ka JHADC, u Madonbai Rymbai wa u Rikut Parien da lai e ko yei kyrchaan ya u Marshall Biam uwa da chong chah thngan wow dawa wai biang ya u mooyong.
U Madonbai Rymbai hawa e i klam da khana u wa nadooh u 1984 da sdang wow tih mooyong ha Wapung, East Jaiñtia Hills kat hadooh wa khang ka NGT yeini ha u snem 2014.
Da khana u ya ka parom ki bru pawkhmat kiwa da lai cha Delhi nadooh ki por u GG Swell kam u MP ha Lok Sabha wow yasaaid yei hok wow tih mooyong.
U Rikut Parien hawa e i klam da e khublei u ya waroh ki dkhot ka Jaiñtia Coal Owner Miners Suppliers Workers Association wa da yahkhmat yeini i yakhih.
Da yaroh u ya u Marshall wa yieñ u wow dawa yei hok ka jaitbru dei yooluti wa ini i yakhih u man iwa jop deiwa ong wa nadooh wa khang ya u mooyong la 12 snem kattu da pynjynjar pynlynga ko ya ki manbei manpa ya kiwa chong chnong waroh ym du kiwa kreh ha u mooyong heiwa kiwa yah Truck na kylleiñ da dooh myntoi ki.
Ha kani ka sngi da yoh leh i klam na u Michael Nongtdu, DCC President EJH wa u Piwel Shylla, Khliehriat Block President.
Discussion about this post