Shillong: Ki ar ngut ki MDC ka UDP kiwa em waroh chi kattu ha ka United Democratic Alliance (UDA), u Paul Lyngdoh wa u Teiborlang Pathaw da phah ki da i thoh wow kyrchaan noh ya ka United Democratic Forum (UDF) ha KHADC wa yahkhmat da u Chief Executive Member (CEM), u Latiplang Kharkongor.
Hawa klam hadien i kyrchaan, u Latiplang Kharkongor da e khublei u ya kini ki ar ngut ki MDC, deiwa pynsñiaw leh wa ka UDF da booh ko ya i bynta yong ki hadien wa lai ki wow kyrchaan.
Hadien wa haap noh ka UDA ha ka 20 tarik u Khonchonglad (Nov) 2019, ka KHADC ym yoh ko yaka Executive Committee wa pura, tangwa da pynlai ya ki kaam du da u CEM samen, wei hadien 2 bnai tam wa haap, da yoh ya ka EC, i yaklam hapyrdi ki kattu katni ki MDC ka United Democratic Alliance (UDA) wa ki MDC ka United Democratic Forum (UDF) wa da mih neibynta wow yakreh lang noh yow chna yaka Executive Committee (EC) kawa khlan ha Khasi Hills Autonomous District Council (KHADC).
Katkam ka chithi wa da phah da kitai ki ar ngut ki MDC, da pynsñiaw ki wa da lai kyrchaan ya ka UDF wei man ko neibynta wow lai bait lai ryntih yong ka KHADC kawa da tkoh ha kini ki ar bnai, wei kwah ki wow kreh neibynta i biang yong ki paidbah kiwa hap ki wow e jubab.
Discussion about this post