Shillong: Ka United Democratic Party (UDP) ynne ka sngi da phah ko ya ki ar ngut ki MDC, u Paul Lyngdoh wa u Teiborlang Pathaw wow pynche ki hapoh 24 kynta hajrong i lai kyrchaan ki yaka United Democratic Forum (UDF) wa yahkhmat da u Latiplang Kharkongor kam u Chief Executive Member (CEM).
Ka UDP hadien wa mih ka khubor, ynne i janmiet da chong yalang jhan ko wow chim i rai hajrong ini i leh kini ki MDC, wei da rai wow ap chwa yei jubab ki ya i wow e hapoh 24 kynta.
U General Secreatary ka UDP, u Dr. Jemino Mawthoh da ong u wa ka Party kwah ko u elaad ya ki dkhot ka Party wow pynche lada leh pyrchah ki ya ka Party wei hadien ini daw chim ya ka rai.
Da ong u wa ka Party ym sñiawsuk ko yei man i long ha KHADC neibhah ka Party kwah ko wow em i synchaar wa khooid wei iwa skem ha ki ADC.
Chooh chooh da ong u wa kam ki MDC da em i yaklam para ki, tangwa phylla won wa kini ki ar ngut da chim ki ya ka rai du daki donhi.
Da ong u leh wa lada dang em ki MDC kiwa dang mih, ka Party daw chim ko ya ka jooh hi ka rai.
Discussion about this post