Ki kaam lai kbai lai kyrha ka BJP hakhmat ka Congress da pynman ki leh hakhmat ka yung krehkaam ka Congress Bhavan ha Jail Road, Shillong ynne ka sngi iwa da wanrah yei ya kylliang ktien na waroh ar liang wa joor bha.
Katwa dang lai ki dkhot ka BJP ryngkat ki Placard nakhmat ka Congress Bhavan, ki dkhot ka Congress leh da yang ki najrong wei da kbai ki leh pyrchah ya ka BJP.
Ka BJP Meghalaya da lai rah Placard ko hakhmat ka Congress Bhawan kam chibynta wow pyrchah yei klam beiñ ki dkhot wa yahkhmat ka Congress ya ka bei yong u Prime Minister, u Narendra Modi ha ka yalang wa dang dep jia ha Bihar.
Ha ini i rah Placard wow beiñ ya ki dkhot ka Congress, da sakhi leh wa kiwa yahkhmat ka Meghalaya Congress kiwa em hapoh kani ka yung da sdang ki yei thma ktien hapyrdi kini ki ar liang.
Ki dkhot ka BJP da yieñ ki leh hakhmat mar pyrchah ka Congress Bhavan ryngkat ki Placard deiwa beiñ ya ka Congress.
Discussion about this post