Lai noh ka Truck wa kit Clinker pyn hajan i thaw wa jia i tyrrah kari ini wa dep ha Thadlaskeiñ

Ynne i step heipor kamwa 9:00 waje kawi ka Truck wa em Number NL-01AG-2025 kawa kit Clinker da tyrrah ko yei chram Guard Wall ha Lad Mukhla iwa em ha rood ka nan Thadlaskeiñ ha i jooh i bynta wa jia i tyrrah kari ini wa dep hadooh wa dooh yei mynsien ki ar ngut heiwa ka Truck ha katai ka sngi toh kawa kit Clinker hi. 

Ka khubor wa da yoh da ong wa kani ka Truck toh kawa da pynhær bha ynne wei wan ko neiliang Jowai chwa wow tyrrah wei noh ko cha rood sarok.

Related posts

Pynbna ka seiñ na Assam da ka Total Non-Cooperation hadien wa da sdang i pynthut yei lai ki kari Tourist

September 16, 2025

U e u Wailadmiki ya ka tulop wa nyngkong kam u Montri sorkar cha ki thaw ri khonswet

September 16, 2025

Uwa yah ya kani ka Truck toh u Tellmeius Suting (25) uwa na Nonglatem wei da kit ya oo cha Ummulong CHC neitæ won cha Jowai Civil Hospital, Ialong katwa u Handyman, u Rihanna Rymbai (23) uwa na chnong Mulang da kit ya oo cha Ummulong CHC wei da takha u malu mala.

Ya kani ka Truck daw taan da ki kari khwe hadien wa sai ya u Clinker.