Lai ood biang ka KJBWA cha u Mukul heiyatoh wei khang tynyap masi

Shillong: Kiwa yahkhmat ka Khasi Jaiñtia Butchers Welfare Association (KJBWA) da ong ki wa ka sñiawphylla ki yei pynkhor wow chalan masi ka sorkar BJP neibhah wa ka sorkar jylla wa yah da u Dr. Mukul Sangma da jooh chimkhia ko yeini i chalan masi tooh khamtam cha Bangladesh.

Hei yaklam wa u Montri Rangbah u Dr. Mukul Sangma, u Generous Warlarpih da ong u wa kiwa tynyap wei wow dai doh masi ymtoh u phylla de ki yeiwa leh ka sorkar BJP neibhah wa ka sorkar jylla ym em de u leh ko iwon iwon hei yatoh wa i ujor ka seiñ wa da joor i chalan masi tooh cha ka ri Bangladesh.

Da ong u Warlapih wa ki ym em de sñiaw phylla ki yeini neibhah da jooh chah khang ki ha ka sorkar jylla wei kani ka sorkar ym jooh mano ko yei dawa ka seiñ nadooh nachwa.

Da khana leh wa ka ym em u kyrchaan ko ya ka BJP kawa khang yei chalan masi tangwa iwa sñiawsih won toh wym pyrkhat de ka sorkar jylla hei yaoh wa ini i kaam.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Da pyntip u leh wa ka seiñ da jooh yachem ko wa u Montri Rangbah nadooh nachwa tangwa ymjooh chim khia u yei dawa ka seiñ.

Neiliang uwa kitkaam ka FKJGP u Dundee Khongsit da pyntip u wa ka seiñ da kyntu ko ya ka sorkar jylla kamjooh ka sorkar pyrdi wow chimkhia ko yeini waroh khnang wow suk ki paidbah waroh.

Da ong u leh wa hanlada wa ini i kaambaam doh man i iwa emhok ki bru samen katkam ka riti synchaar, heini won da chem chitom wow yoh masi pyn hapoh ka jylla.