Ka KSU-EJHDU ha ka 17 tarik uni u bnai da lai pait ko yei kær pood wa da leh ha ka chnong Lailong wei wow e mynsien ya ki soo tylli ki chnong wa em ha khappood kiwa kynthup ya ka Lejri, Lahalein, Huroi wa Hingaria ha East Jaiñtia Hills.
Yeini da leh deiwa pyrkhat yei wan psiah pyrchah aiñ kiwa na Bangladesh chapoh ka ri wei yeiwa jooh em i mynsoo mynsnaam wa yoo chyrkhei.
Neiliang ki waheh chnong da pyntip ki wa hadooh katni i long i man ha kini ki thaaiñ khappood dang man i iwa biang tangwa da jinjar donhi ha ka khayi pateiñ.
Ka KSU Hingaria Unit da pyntip ko wa ha ka chnong Hingaria, ki BSF ym em chong ki ha khappood tangwa cha pyrdi sarok iwa jngai kamwa 3-4 Km iwa pynsuk yei psiah tooh ki nong Bangladesh wei da em leh ki bru kiwa man kam ki dalal kiwa yarap ya kiwa na Bangladesh.
Ka seiñ da lai ko leh wow pait ya ki BOP Huroi wa Lailong wei da yachem leh wa ki heh BSF wa em ha kitai ki BOP chwa wow lai pait yei kær pood. Neiliang u heh BSF da khana u wa haddooh kattæ ym em kiwa psiah wei da khana u wa jooh em ki dalal kiwa leh ya kini ki kaam yow pynpsiah bru na Bangladesh wei lada chem daw leh katkam ka aiñ ya ki.
Neiliang ka seiñ da rai ko leh wow hiar sa cha ki kattu katni ki chong khappood nadooh ka Kuliang, Donaskur, Dona Umbluh, Ampyrdit heiwa kini ki chnong toh ki thaw lait bha kiwa na Bangladesh wow psiah deiwa yahluti ki dalal.
Discussion about this post