Deiwa ya emlang ki Waheh Chnong nadooh u yong ka Priang, Umdeiñlin, Tongkiad, Kyanmynsar Thlongmoo wa Iooksi ryngkat ki dkhot ka KSU Saphai Unit, Priang Unit, Iooksi Unit wa Umsalait Unit haka 9 tarik uni u bnai da pynman yei lai pait yei chna ya ki thaw uiñke suwari kawa dang pynkreh katni ha Syrpoo harood ka wah Kupli kawa em hapoh u pood u ang ka chnong Priang.
Ha ini i lai pait da chem wa i pynkreh ha katai ka thaw mani i iwa lai chait chait tangwa da rap pynlyngngoh toh wa ya u sarok wow lai cha kani ka thaw uiñke suwari da siang rong du chiteiñ donhi katwa ya iwa sah won iwa kamwa 500 Meter na u sarokbah da ieh wei hajrong ini da rai wow lai yachem waka chnat Tourism kamjooh yaka chnat PWD yow kyrpaad siangrong ya iwa dang sah.
Kani ka Scheme kawa da mang daka sorkar pyrdi lyngba ka chnat Tourism deiwa yoh T. 11 klur tam, kawa ka chnat Tourist da dep ko wow booh mooyurim ha u snem 2020, tangwa neidaw wa em ka khlam COVID-19 da chimpor i kreh tangwa katni da lai i chakhmat.
