U Symbood Montri Rangbah ka jylla uwa pait ya ka chnat PWD (Roads), u Prestone Tynsong da pyntip u hapoh ka Yung Dorbar wa ya ka Yingkieñ naar ha Dwarksuid, kawa em ha u sarok Shillong Bypass daw pyndep noh hapoh ka 31 tarik uni u bnai.
Da pyntip u wa ya i kreh da leh da ka Border Roads Organisation wa ka ka M/s Shillong Expressway Ltd. wei ka poisa toh wa da pynlut da ka National Highway Authority of India (NHAI).
Hawa kylli ynne ka sngi u MLA ka Congress na Umroi, u George B Lyngdoh da pynsñiaw u yei sñiawkhia wa duna kiwa kreh ha kani ka yingkieñ, deiwa kyntu ya ka sorkar wow phah ya kiwa kreh u chimkhia ki khnang wow ye u pyndep yei kreh hapoh i por.
U George da pynsñiaw u leh yei sñiawkhia wa em ki kari heh kam ki truck wa khia palat pood kiwa lai na ka yingkieñ kawa rim kawa ye u wanrah hei maa.
Hawa jubab chooh chooh, u Prestone da ong u wa ka NHAI ha kani ka tayaw wa dadep pynpoi ko ya ki tiar kær wow pyndait ha ka yingkieñ wa thymme, deiwa ong leh wa da yooluti wa ya kani ka yingkieñ u pyndep hapoh 10-15 sngi.
