Hadien wa yoh ya i ujor na ki manbei manpa yei rukom pynman Class ha ki skur wa em ha Jowai, ynne ka sngi u MLA ka Jowai, u Wailadmiki Shylla wa u DC ka District, U Garod LSN Dykes da lai pait ki syndet ya ki kattu katni ki skur wa i rukom pynman ya ki Class khamtam kam heini i por wa em ka khlam COVID-19 wei lada bood ki ya ki kyndon wa da booh ka sorkar.
Ha kani ka sngi neiliang u Wailadmiki Shylla da ong u wa ynne ka sngi da leh ya ka Surprise Inspection chirup wa u DC cha ki kattu katni ki skur heiwa da chem wa boon ki skur bood ki ya ki kyndon wei em leh kattu katni ki skur kiwa ym em u bood ya kini ki kyndon heiwa da phah ya ki wow bood ya ki kyndon.
Chooh chooh da pyntip u wa da rai leh wow booh ya kawi ka dhab (Team) wow lai sylli ya waroh ki skur ka District neibhah ymye u kheiñstiñ hadooh katni ympu wiar ka khlam COVID-19 weiwa ki khynnah man ki kiwa ye u chah ktah bha ha ka khlam lada jia wan katæ ka khlam ha ka kynti wa le.
Heijooh i por da kyntu u ya ki skur wow pyntikna ki wa ki khynnah leh bood ki ya ki kyndon wa da booh neipor cheipor.
