Lai pait u Conrad yei pynkreh ya u sarok 4 Lane

U Montri Rangbah ka jylla, u Conrad K Sangma ynne da lai pait u ya ki kreh wa boon wa em ha New Shillong Township, wa kynthup ya ka Second Phase ka IT Park, ka 400 Seater Working Women’s Hostel, ka Secretariat thymme, ka Skill Park wa ka Prime Innovation Hub wa em ha Mawdiangdiang.

Da lai pait u leh yei chna ya u sarok 4 Lane wow wan cha kani ka New Shillong wei yeiwa da thmu wow pynkylla ya u sarok 2 Lane wa em katni cha u 4 Lane. Uni u sarok 4 Lane daw em u leh i bynta wa kyrpang ya kiwa yah Cycle, ki thaw lai kjat, ki thaw wa yirngam yow chong ke wa kiwi kiwi de.

U Conrad da pyntip u wa ki yung wa daw chna ha New Shillong Township wei kamjooh ki yong ka sorkar daw man ki katkam ka juk wa katni wei katkam wa da yooluti wow man ki yung ki sem mynried man kawi.

“Kwah i wow pynman ya waroh kawi kani ka thaw kawa man sor katkam ka juk wa katni deiwa pyrkhat yeiwa emkaam ha ki 50 snem wow wan wei u pynchna leh ha itæ hi i rukom,” da ong u Conrad.

Related posts

Wa pynkhih ya ka Reservation dooh nong ki Khasi Jaiñtia, lada poi yung bichaar hadooh 50% u yoh bhah kiwi: Wailadmiki  

May 26, 2026

Pynbna ka WJSU wow pynman ya ka Election jied President ka seiñ

May 26, 2026

Da ong u leh wa deiwa rah ya ki yung krehkaam cha New Shillong daw pynkyllooid ko ya ka sor Shillong hanla i rukom chna leh man i chi bhah chisien tangwa hawa kut hi daw man ko i myntoi ya ka jylla.

Da ya emlang leh ha kani ka sngi wa u Deputy Chief Minister uwa man leh u Minister ka chnat Urban Affairs, u Sniawbhalang Dhar.