U Symbood Montri Rangbah ka jylla Meghalaya, u Sniawbhalang Dhar, ha ka 3 tarik uni u bnai da lai hiar u yow lai pait ya ka Yaaw Muchai kawa em ha chnong Mynsngat, West Jaiñtia Hills.
Kani ka yaaw toh kawa dang sdang thymme ha u snem 2022 wei haap ko hapoh i pait yong ka chnong Mynsngat waka Jaiñtia Hills Autonomous District Council, kawa pynman chisien chi tayaaw ha ka sngi Muchai katkam ka rukom kheiñ sngi yaaw ha Ri-loom Jaiñtia.
Ha kani ka sngi da synraan lang ya u Symbood Montri Rangbah da kiwa yahkhmat chnong wa ki bru waheh yong ka thaaiñ.
U Sniawbhalang da yoh u wow ya syllok wa kiwa chong yaaw wei wow ap yei eh yong ki wei kamjooh yeiwa e buit ki kammon wow pynbha chooh chooh ya kani ka yaaw wa ka khayi ka pateiñ ha kani ka thaaiñ.
Hawa klam wa kiwa chong yaaw, u Sniawbhalang da ong u wa ka 1-Nartiang Constituency toh kawa embhah bha neibhah wa da em ko 6 tylli ki yaaw wei ini da wai luti ko ya ka khayi ka pateiñ yow pynku yei yoh kaam yoh jaam wa ka yoh ka kot ha ka thaaiñ hi waroh kawi.
Discussion about this post