U SP ka West Khasi Hills, u Bikram D. Marak deilang wa ki pulit ka Crime Scene Unit ynne da lai hiar ki cha i thaw wa jia i chah dat ki ar ngut kiwa sikai skur hadooh wa khlaad noh uwi na ki.
Ini toh iwa da jia ynnin ka sngi ha i bynta ka chnong Mynniar wei u SP da pyntip u wa da Register da ka Homicide Case wei dang thooh ya kiwa emkti ha ini i kaam deiwa kyntu leh ya ki paidbah wow wan ki chakhmat kiwa tip chaphang ini wa jia.
Kam wow pynkynmoo wa kini kiwa sikai skur toh kiwa dang liwan na Nongstoin da kawi ka thuk-thuk wa em Number AS-25E-1324 wei manda poi ki ha ini i thaw wa lyngngam da mih syndet ki bru wym tipmit kiwa da dat da bom ya ki hadooh wa khlaad noh u Tengton R Sangma (48 snem) katwa u Surja Kumar Chetri (49 snem) da mynsoo joor u wei uwa da ye leh wow khai yow pynsangeh ya kawi ka Bus yow paan yarap.
Kini ki bru hadien wa dat ki ya kini, da ngiat ki ki cha rood sarok deilang waka thuk-thuk wa pynemkaam ki wei da suba da leh ki yeini dei thmu wow lute ya kini ki ar ngut.
Ya kini kiwa mynsoo da kit leh cha Nongstoin Civil Hospital.
Discussion about this post