Lai pait u Wailad ya ka Ummulong CHC yow pynku kyrdan noh cha ka Integrated Hospital

Hadien wa u Montri ka chnat i chait i khiah ka sorkar jylla, u Wailadmiki Shylla dadep pynbna paidbah u ini wadep wow pynku kyrdan ya ka Ummulong CHC cha ka Integrated Hospital ha ka mang poisa wa Rs. 53 klur, ynne ka sngi da hiar lai pait sylli u ya kani ka thaw sumaar sorkar ha chirup i emlang u Medical Officer In-charge kani ka CHC, kiwa yahkhmat chnong ka thaaiñ, ki bru ka Health Engineering Wing wa kiwi.

Hawa klam wa kiwa thoh khubor ong u i lai pait sylli yong oo toh yow pait yei man i long ka thaw wei wow yaklam yachem yumut neibynta u pynkhreh noh ya ka Detailed Project Report khnang yow yoh khut Tender noh, kamwa neiliang yong oo kwah u wow sdang noh smat i pynkreh katwa ye wa lah neibynta i myntoi u paidbah.

Ha kani ka sngi da yaklam yachem yumut haroh ki yei mang ya kiwa kreh ha kani ka thaw sumaar kam ki Specialist, Medicine Officer wa Grade IV, katwa neibynta ki tiar ki tar won daw mang hadien wa dep chna Building.

Hajrong i jied pynku kyrdan ya ka CHC Ummulong, ong u toh wa man ko ka thaw pyrdi ya kiwa boon ki chnong wa em ha kani ka thaaiñ kiwa haap hapoh ka Laskeiñ wa Namdong C&RD Block, wei chwa u lai ki cha Jowai Civil Hospital hap lai lyngba ki na ka Ummulong CHC.

Related posts

Ki Constituency ka East Khasi Hills kiwa boon dooh kiwa thap Vote wa chah pyndam pyrtuid

August 9, 2026

Hap Test biang sa chisien ya u Pilot ka Air India hadien wa nyngkong chem toh uwa pynemkaam drugs hadooh wa mynsoo ki 17 ngut

August 9, 2026

Kamtæ yoo emkaam u wow pynkhlan ya kani ka thaw sumaar khnang yow pynstiñ leh ya ka Jowai Civil Hospital wa ka MCH Hospital.

Deiwa pynku kyrdan ya kani ka CHC cha ka Integrated Hospital, ki thaw thiah wa kjut u ku ki cha ki 50 palong.