Ka Sur ki Nong Mawlai kam chibynta wow pynjoor ya i yakhih yei wym mano ka sorkar wow beh kreh chipor ya ki pulit wa emkti wow siat yap ya u heh warim ka HNLC, u CS Thangkhiew, ynne ka sngi da lai ki syndet cha Secretariat wow pyndem ya ki ‘tari dab’ heipor kamwa 11:00 waje.
Ini i lai pyndem tari da leh haphrang ka yung krehkaam wa heh dooh ka jylla wei man ko leh kam ka dak wow beiñ ya ki pulit kiwa da kam wa i siat yap ya u heh warim ka HNLC toh wa da yaleh pyrchah u ya ki pulit da ka tari ha i step ka 13 Naisaphra.
Ki dkhot Ka Sur ki Nong Mawlai ym yoh ki wow psiah cha pchem ka Secretariat, neibhah wa da khang luti ya ki da ki pulit wei da pyndem noh ya ki tari ha kyrdop yong ka Secretariat.