theme-sticky-logo-alt
theme-logo-alt
Advertisement ad1
Advertisement ad1

Lai pynkhooid wei e khyndaw ka Sarot I Man ya ki dieñ wa dadep thung

Advertisement ad1

Ka Sarot I Man ynne ka 28 tarik da lai pynkhooid ko wei e khyndaw ya ki tredieñ wa dadep thung ko ha ki bnai wa dadep ha Kiang Nangbah Memorial Park, Pynthorwah Panaliar, Jowai.

Ini i leh ka Sarot I Man toh wow pynyoo nongmuna ya kiwi leh, wa hawa thung ya kiwon kiwon ki dieñ, na kipor cha kipor toh u lai pait lai sylli, u e um, u pynkhooid wei wow e khyndaw ya ki, lym kamtæ ym em yumut u thung hi-eh tang wow dep.

Advertisement ad1

Kani ka dhab ha ka yalang yong ka, da rai ko wow leh yeini neibhah kamwa jooh yoo wa chiboon ki bru samen, ki seiñbhalang næ ki chnong ki thaw wot ki chnat krehkaam sorkar leh daleh warom ki ya ka rymaw man-u-snem deiwa thung ya chiboon ki tredieñ, tangwa heitu hi-eh ipor ya chongchit ki, dep neitæ ieh wot ki, khlem lai pait lai yoo de.

Kamtæ ka Sarot I Man kyntu ko ya waroh kiwa dadep thung ya ki tredieñ la heiwon iwon i thaw leh, toh u sumaar syndong hi ki, lym kamtae sep-ai hi-eh kitai ki dieñ.

Da ong leh wa lada da i mrad næ da i bru wa dang khian lym sumaar lym e baam, ym heh ymsan i, kamtæ ki dieñ ki siej leh ijooh hi wa waroh kiwa im.

“To yn maya i ya ka rymaw, ki tawiar yong i, deiwa sumaar syndong i ya ki,” pynkut ka kyrwoh na ka Sarot I Man.

 

Share this:
Previous

Pynthymme ka Shangpung Tourist Taxi Owners and Drivers Association ya kiwa kitkaam

Next

E yarap ka KSU da ki Black Board cha ki 6 tylli ki skur ha Huroi