Ynnin ka sngi, ka KSU East Jaiñtia Hills District Unit lyngba ka Sports Committee da lai pynkup burom ki ya ka Rukini Dkhar kawa da yoh ya ka Takma Rupa haka U-14 Girls 600m Race haka lympung yalehke 34th East Zone Champion 2023 kawa da pynman ha jylla West Bengal.
Ka Rukini Dkhar kawa em 13 snem toh kawa na chnong Tuber Kmaichnong.
Ka seiñ da dap ko dei sñiaw sarong wa i kreh chitom ka Rukini da yoh i u wanrah yei naam yei burom ya ka chnong ka thaw, District wa yaka jylla yong i wei kyrmen skem wa ha ki sngi wow wan wow ye ko u rah sa kiwi won ki naam ki burom ya ka District wa yaka Bri u Ynñiaw Trep yong i.
Ka seiñ da sñiawkmen ko wow tip wa ka Rukini da chah jied ko haka Sports Authority of India (SAI), Shillong wow lai pynpliah ha kani ka chlem e sikai ya ki khynroo khyllood wa em sap ha ki kaam yalehke.
Kamtæ ka seiñ da kitbok kitrwiang ko ya ka Rukini wow nang ku ko ha ki kaam yalehke wei kamjooh da pyn-eh-daw pyn-eh-nasib ya ka wow lai suk cha SAI, Shillong wei wow kreh chitom bha.
Discussion about this post