Ynne i step heipor wa jia i chah siat ki 6 ngut ha Mukroh, da em leh ki 3 ngut wa da chah rah ha ki pulit ka Assam cha Mokoilum Police Outpost ha West Karbi Anglong District.
Hei sngi u DC ka West Jaiñtia Hills, u SB Sohliya, u SP ka District u Bikram D Marak, u ADM u M. Challam da lai ki cha Mokoilum Police Outpost wow pynlait ya ki le ngut wa da chah rah ha ki pulit ka Assam.
Ha tymbud ka sarok na Mukroh cha Mokoilum da em wa thyllem ya ki dieñ hapyrdi sarok ha kiwa boon ki bynta lakam wa da leh chynnam iwa pynbor ya ki pulit wa ki sahep wow kyrriah kajiak ya kini ki dieñ.
Manda poi ha Mokoilum Police Outpost da em da ki spah ngut ki pulit ka Assam wa ki CRPF heiwa da yaklam ki heh ka West Jaiñtia wa ki heh ka Assam wa kynthup ya ka DC ka West Karbi Anglong ka K. Baruah wa u SP u Imdad Ali.
Hadien wa yaklam da pynlait noh ya ki le ngut khlem em ki kyndon pyrchah ya ki.
