Ki pulit ka South Garo Hills District da pyntip ki wa hadien wa yoo ki ha Social Media ya iwi i Video wa da pynyoo ya uwi u bru uwa da kset ya oo deiwa thap yei kjat u hapoh u dieñ wa man kam ki hatkari iwa da jia ha i chnong wa tip kam i Panchimgre wa dang haap hapoh ka Gasuapara Police Station wei uni u bru da chah kset u la palat 8 snem kamni.
Wei hadien wa takit da chem wa uni u bru toh uwa tip pyrtuid kam u Grenal B Marak (32 snem), u khon u Henison M. Sangma wei yeini da leh pyn da kiwa emyatoh hi u neidaw wa duna u hei bor pyrkhat pyrdaiñ, da yoh wow lai pynlait ya oo ynnin ka 28 tarik da ki pulit ka Dimapara ICP, South Garo Hills.
Ya uni u bru da li booh cha ka Psychiatric Ward, Baghmara Civil Hospital yow yoh u yei sumaar. Uni u bru neidaw wa chitom i bor pyrkhat u da yaleh pyrchah u leh heipor wa lai pynlait ya oo.
Ki pulit da pyntip ki wa daw lai katkam ka aiñ ya kitu kiwa emkti wow kset ya oo wei ka takit da leh da ka Gasuapara Police Station.
