theme-sticky-logo-alt
theme-logo-alt

Lai pynsñiawthooh ka Tympang Iawmusiang wei phah pynlang ya kiwa chongdai madan

Hadien wa kut i khang chnong wa 36 kynta ynnin i janmiet ka 27 tarik, kawa da khut pynman daka Dorbar Chnong Tympang Iawmusiang, Jowai chirup i krehlang kiwi won ki dorbar chnong. Ynne i step won neiliang ka Tympang Iawmusiang da ya mih yaw ki u pynsñiawthooh yaki paidbah wa chongdai, kiwa lai yaw wa kiwa lai wa wan hajrong i emkaam u wanrah i khooid i jngiar hapoh ka Iawmusiang.

Da ong ki kamwa ka Iawmusiang man ko ka pliang ja ya kiwa boon ki bru ka Ri-loom Jaiñtia wa kiwa nabaar kamjooh, kamtæ emkaam u burom yaka dei wow wanrah i khooid i jngiar.

Heiyatoh won wa kiwa chongdai, da kyntu ya ki wa manda dep dai ki namo pynlang ki hei miet yei jhep wa mih neiwa dai yong ki, toh u rah ki kamwa liwan cha ki chnong næ ki yung ki sem yong ki, neibhah kamwa im-ja ki na kani ka yaw emkaam leh u burom yei lehkhooid yaka thaw wa e ja.

Yeini kyntu joor ki wow man ki kiwa yaichah kat wym pu yoh ka Jowai yei thaw nohjhep.

Ha kani ka jooh ka sngi neiliang ki manbei manpa ka Tympang Iawmusiang da phah pynlang haroh ki ya kitu wa chongdai harood sarok, ha luti lai kjat dei wow li chong cha Yaw Chyiap, Yaw Seiñraij neibhah wa pynthut ki yei lai i wan ki paidbah waki kari mator.

Ki thaw wa da yieñ yow pynman pynsñiawthooh yaki paidbah yow yoh i yakrehlang toh hajan skur H.K. Sing, ha Stand War, ha thaw psiah cha ka yaw CNI wa kiwi ki bynta wa man yaw.

Share this:
Previous

Dawa ka MePWU na ka sorkar wow pynku noh ya ka nongsngi 

Next

Lehkmen ka Mairang yei dap 50 snem ka jylla deiwa pynkup burom leh ya kiwa yakhih Hill State