Kam chibynbta wow pynlai chakhmat i yaklam yasuk waka HNLC, ynne ka sngi u Montri Rangbah ka jylla, u Conrad Sangma da yachem u wa u Home Secretary ka Ministry of Home Affairs (MHA) ha Delhi deilang wa kiwi ki heh ka MHA.
U Conrad da ong u wa ha ka chithi wa da phah da ka HNLC da ong ki wa bien ki wow wan chakhmat wow yaklam khlem da booh kiwon kiwon ki kyndon wei wow yaklam hapoh ki kyndon ka riti synchaar ka ri.
Kamtæ da pdiang sñiawbha ka sorkar jylla yeini wa da tyrwa wei ya ini i jooh da pyntip leh cha ka sorkar pyrdi wei da dep yaklam leh kammon wow rah yeini i kaam chakhmat tangwa ym pu ye wow khana iyi wa da yaklam kattæ tangwa man i iwa mihsoh mihsla.
Da pynkut u deiwa ong wa neiliang ka sorkar jylla leh daw lai ko chakhmat katkam wa da phah ka MHA wei daw pynbna chooh ha kini ki sngi wow wan.
