Jowai: Ka balang Unitarian Church, Jowai ynne ka sngi da lai pynyoo ko yei burom wei sñiawngooh deiwa e da ki tiar sahkynmoo cha u Deputy Commissioner ka West Jaiñtia Hills District, cha u DMHO ka West Jaiñtia Hills wa cha u Superintendent of Police ka West Jaiñtia Hills kam i dak burom yaka chnat krehkaam yong ki kawa da chimkhia bha wow e yei chakri neibynta u yakhun yaka khlam COVID-19 hapoh ka District.
Ya ini da leh kam chibynta ka lehkmen yaka lyngkhooh dap snem wa 133 wa seiñ yaka Balang Unitarian ha Jowai kawa tip leh kama ka Unitarian Anniversary Day.
Ya kini ki tiar sahkynmoo da lai ekti da ki bru waheh ka balang Unitarian ha ki yung krehkaam yong ki heiwa ya i yong u DMHO da ekti lang ha u Deputy Commissioner ka West Jaiñtia Hills u Garod LNS Dykes. hadien ini won kiwa yahkhmat ka balang Unitarian da lai won ki cha ka yung krehkaam u SP wow ekti ya i tiar sahkynmoo cha u Superintendent of Police ka West Jaiñtia Hills u Bikram Marak.