Heiyatoh wa i long i man ha North-Eastern Hill University (NEHU), neiliang ka Jaintia Students’ Union-Shillong Circle da lai yachem ko wa ka Acting Vice-Chancellor, ka Prof. Sherwin May Sungoh ynnin ka sngi yow pynyoo yei kyrchaan yei yahkhmat heiwa da pynman ya ka Academic Council hapoh i yahluti ko.
Ka Academic Council 2025 ka NEHU da pynman ka ha ka 21 tarik uni u bnai hei pynlai ka Prof. S.M. Sungoh heipor wym em u Vice-Chancellor wa katni, u Prof. Prabha Shukla heiwa da chah maham ko leh ha oo lada pynman ya kani ka Academic Council deiwa ong leh wa ye ko wow chah pynchitom wei ini toh iwa da ktah yei sñiaw yong kiwa em hapoh kani ka skurbah.
Kamtæ ka JSU- Shillong Circle deilang ka JSU Central Body da wan ki chakhmat wow yada yei krehkaam ka NEHU deiwa e mynsien leh ya ka Prof. Sungoh yow wanrah ko yei bha i miat.
“I na ka Jaintia Students’ Union- Shillong Circle wa JSU Central Body yieñ i chirup wei e i yei kyrchaan ya ka Prof. S.M. Sungoh neibynta i bha i miat ka skurbah deilang kiwa lai puræ,” da ong u A. Suchiang, Caretaker cum Advisor ka JSU Shillong Circle.
Discussion about this post