Shillong: Ynne ka sngi u montri rangbah ka jylla u Conrad Sangma da lai pait lai sylli u ya i thaw wa da thmu wow booh ya ka Entry wa Exit Point kawa em ha Umling, Ri Bhoi District wei da emlang leh ki montri ka sorkar u Sniawbhlang Dhar wa u Hamlet Dohling.
U Conrad da ong u wa i kreh wow chna ya ki Entry Exit Point man ko ka phang wa hakhmat dooh ka sorkar wei u sdang chna noh ya kiwi leh hapoh ar bnai kamjooh ya ka Facilitation Centre.
I booh ya ki Entry Exit Point toh i dawa wa da slem da ki seiñbhalang ha kiwa boon ki thaw hapoh ka jylla yow pait yei psiah ki baar jylla wei daw chong dor hadooh T. 1000 wow chna ya waroh kini ki khyrdop.
Discussion about this post