Khliehriat: Kam chibynta wow khang yei tih mooyong tooh ha East Jaiñtia Hills District, ki bor ka District da phah ki ya ki Executive Magistrate wow pynman ya i sylli ya i tih mooyong tooh ha ka District.
Ynne u Deputy Commissioner ka East Jaiñtia Hills District, u F.M. Dopth chirrup wa u Additional Deputy Commissioner ka District u S.S. Syiemlieh, ka D.M. Suja wa u S. Marwein EAC, Executive Magistrates wa ki pulit da lai sylli ki ha Dkhiah, Rymbai, Sutnga wa Sohkymphor.
U Deputy Commissioner da lai u leh cha Dienchynrum, Rymbai, Umshong wa Iapmala. U S.S. Syiemlieh da lai u cha Sutnga, Sakhain wa Lelad, ka D.M. Suja da lai ko cha Sohkymphor wa Byrwai katwa u S. Marwein won da lai u cha Dkhiah.
Ha ini i lai sylli ynne ym chem ya uwon uwon u mooyong wa da tih thymme. Boon ki thaw da man ki kiwa thylli wei kiwa da ieh.
Da chem leh wa ki thaw sah yong kiwa khih mylla da man ki kiwa thylli, ym em ki Crane kiwa krehkaam, ki thlu wa tih mooyong leh da man ki kiwa dap um.
Discussion about this post