Lai ujor ka AHPUF cha u DC pyrchah yei thmu pynkhle biang ya ka Lucky Draw ki Chi Iung

Ka seiñ All Hynniewtrep People United Front (AHPUF), ynne da lai booh ujor ko ha yung krehkaam u DC ka West Jaiñtia Hills District yow pyrchah yei thmu wow pynkhle biang ya ka Lucky Draw ka Chi Iung Multipurpose Society heiwa ya kani ka ujor da pdiang da ka Additional DC.

Ka AHPUF ha ka ujor da ong wa ya ka First Prize kani ka Lucky Draw toh kawa dadep pynkhle ha ka 28-09-24 heiwa da pynbna wa da pam da u ‘316592’. Kamtæ ki phaw hajar ngut da noh lut ki ya ki Ticket yong ki neidaw wa da pynbna ya u Number wa pam.

Da ong leh wa hei step ka 29-09-24, ka Chi Iung Multipurpose Society da pynbna ko wa em i chah leh thok yei pynkhle ya ka First Prize heiwa da ong ki wa da em i kha dait dei lamieñ wei kawa da sih dur wei ym yoo yahaap de wow ong wa toh ka Ticket kawa dang thymme.

Hei pynche won ki dkhot ka Chi Iung Multipurpose ha kiwa thoh khubor da ong won ki wa da murieh ya ka Ticket ha sla kjat iwa da phær yeiwa ong nyngkong ki wa da em i dak chah dait lamieñ iwa mut deiwa murieh hapoh ktien.

Related posts

Im biang u bru chwa u thang uwa da pynbna ki Doctor kam uwa da yap

November 23, 2024

Chah ieh iwi i khonboo hapoh ka Cradle Point

November 23, 2024

Ka seiñ da ong ko leh wa ka Chi Iung Multipurpose Society da pynbna ko wow pynkhle biang ya ka First Prize ka Lucky Draw.

Hajrong ini, ka seiñ da dep ko wow lai booh dei thoh ha ka 7 tarik uni u bnai ha Jowai Police Station hajrong ini i kynrum kynram i pynkhle ya kani ka Lucky Draw.

Chooh chooh da pyntip wa neiliang ka AHPUF dadep ki wow lai yachem wa ki dkhot ka Chi Iung Multipurpose Society ha ka 10 tarik uni u bnai heiwa da kyrpaad ya ki wow Print biang ya ki Ticket wei wow saam biang cha kitu kiwa dadep thied Ticket deiwa phah ya ki paidbah wow wan pynuiñ biang yow chim da kiwa thymme kamjooh ya kitu kiwa dadep noh ya ki Ticket, deiwa booh dei por wei wow pynkhle biang.

Ka AHPUF da ong ko wa ki dkhot ka Chi Iung ym pdiang ki yeini wa da e buit ki kam ka seiñ wei da ong bait ki Chi Iung wow pynkhle biang khlem da Print biang ya ki Ticket.

Ka seiñ da dawa ko wa lada ym ye wow Print biang ya ki Ticket toh wow e laad wow pynlai da ka yung krehkaam u DC wow leh yeiwa emkaam næ wow e ya ka First Prize cha ki yung wa ri khonswet.

Kamtæ hajrong kini ki yurim, ka AHPUF da ong ko wa pyrchah yein i thmu wow pynkhle biang ya ka First Prize lada ym ye wow e Ticket biang cha kitu kiwa da noh ya ki Ticket.