Jowai: Neiliang ka Meghalaya Association of Kick- Boxing Organisation (MAKO) da phah ko ya ki 3 ngut ki wow mihkhmat ya ka ri ha ka lympung yalehke wa tip kam ka Asian Kickboxing Confederation Cup 2018 ka wow man ha ri Kyrgyzstan nadooh 6 hadooh 12 tarik uni u bnai.
Kini ki le ngut kynthup ki ya u Pynshai Mawrie (below 51kg Low Kick), u Lamphrang Kharsahnoh ( below 54kg K1) wa u Baremdor Kharmuti (below 51kg K1).
Kini ki le ngut da mih ki na Shillong ynnin ka sngi wow lai cha Delhi wow mihkhmat ya ka Ri ryngkat wa kiwi ki 33 ngut napoh ka ri cha kani ka lympung.
U Pynshai wa u Lamphrang toh kiwa da yoh takma teiñ ha u snem wa da dep ha ka Asian Kickboxing Confederation (WAKO) Championship 2017, kawa da man ha Ashghabat, Turmekistan.
Ya kini da synraan da u Donny Ranee kam u Master (Coach) wa kam u International Referee wa kiwi kiwi.
Discussion about this post