Shillong: Neiliang ka Confederation of Meghalaya Social Organization (CoMSO) ynne ka sngi da lai yachem ko ya u symbood montri rangbah ka jylla, u Prestone Tynsong, u montri ka chnat PHE u Samlin Malngiang, u montri ka Urban Affairs, u Hamletson Dohling, u montri ka chnat i chait i khiah, u AL Hek wa u heh ka UDP u Metbah Lyngdoh.
Ka CoMSO da yachem ko wa kini kiwa mihkhmat khnang wow pynkynmoo wei wow dawa ya ki wow kyrchaan ya i thmu wow thap ya ki kyndon ka Inner Line Permit (ILP) ha ka aiñ MRSSA neibhah wa ka sorkar ynnin lyngba u montri ka kaam pohyung, u James Sangma da kular u leh yeiwa emkaam ha u Naichiphaw uni u snem.
Ini i yachem da man i iwa lai bait wei iwa em kyrmen neibhah ka CoMSO da yooluti bha ko wow yoh noh ya ka ILP khnang wow ye u yada ya ka jaitbru nei chah tlep ha kiwa na baar khamtam kiwa da chah ieh noh na ka thup NRC ka Assam.
Ka CoMSO da ong ko wa kam ka jylla kyrmen ko wow em ki aiñ wow yada na ki poiwiar namo ki baar jylla khnang wa ka pateiñ u man ko kawa em kyrmen.
Discussion about this post