Ka HYC East Jaiñtia Hills ynnin da lai yachem ko wa u DC wa thymme ka District, u S. Awasthi yow kyntu ya oo wow pyndep ya ki kaam wa sahteiñ ka District Selection Committee (DSC) wei yei emkaam wow em ka Chief Minister Youth Centre (CMYC).
Ka seiñ da ong ko wa ki kreh ka DSC kiwa da Advertise nadooh u snem 2021 wei da Advertise biang sa chisien ha u Wisu (Mar) 2024 da pteiñ i wow sahteiñ iwa da pynlyng-a ya ki hajar ngut ki khynroo kiwa da kwah wow yaleh ya kani ka Exam. Kamtæ da emkaam wow leh smat ya ini i kaam.
Heiyatoh waka Chief Minister Youth Centre ha East Jaiñtia Hills, da ong wa da emkaam bha u em kani neibhah daw yarap ko ya kitu ki khynroo kiwa dooh wa duk ki wym ye u pyndep yei puræ puthi wei deiwa em kani daw yoh ki yei sikai wa boon jait iwa daw yarap ya ki wow yieñ ki hei kjat yong ki hi.
Da kyntu leh ya u DC wow chimkhia u wow yaleh pyrchah yei roi i pynemkaam drugs khamtam ha kitu ki wym em kreh wa kiwa da ieh yei puræ puthi kiwa da dooh kyrmen wei kini deiwa em kam kani ka Youth Centre daw yarap bha ko yow yoh ki yei sap kreh yow lait ki nei pynemkaam drugs.
Kamtæ da ong wa emkaam leh ya ka Rehabilitation Centre hapoh ka District yow kyrchaan ya kiwa da chah kdoh chah khoom hei drugs yow ye ki jop wei wow im biang kam kiwi.
Neiliang u DC da kular wa ya ka DSC Exam u pynman noh ha u Naisaphra næ Naikhynde uni u snem wei daw leh u katwa ye yow sdang noh ya ka Youth Centre.
Discussion about this post