Ka Jaiñtia National Council (JNC), ynne da lai yachem ko wa u Symbood Montri Rangbah, u Prestone Tynsong uwa pait leh yaki Kaam Pohyung ka jylla yow dawa kyrriah noh yaki BSF wa em cha ki luti syngkieñ wa chajan ki chnong wa sah ki bru kam ha Sonapyrdi, Umbluh wa Dona wei wow rah ya kini cha khappood.
Ka seiñ da ong ko wa kini ki BSF ym em ye ki wow leh yei kaam yow khanglaad yei psiah laitlan ki bru na Bangladesh kamjooh wow yada ya ki bru yong i hadooh wa ini wa dep da em kiwa chah tynyap ha ki kti yong kini ki nong Bangladesh.
Chooh chooh da ong leh wa kini ki BSF da pyndik ki yaki paidbah kiwa lai wa wan hawa kynreh kari ki wei da leh ki yeini du yaki tre chnong heiwa du ha kini ki sngi wa dep da em le ngut kiwa da chah dat ha ki BSF ha Sonapyrdi.
Ha iwi won i liang, ka seiñ da dawa ko wow pynkhlan yaka Infiltration Check Gate wa em ha Ratacherra yow lait u mih u psiah kiwa na baar katwa ngait khamtam heipor miet neidaw wym em ki pulit wa uiñ sonteri namo wa leh Patrolling.
Neiliang u Prestone da kular u wow chimkia yeini wei da pyntip u leh wa ka sorkar dadep ko wow phah thung daka District Coordination Committee kawa kynthup lang ya u DC kam u Chairman, ki waheh chnong waki heh Commandant yong ka BSF yow yakrehlang yow lait kam ini i kaam u jia.
Da pyntip u leh wa daw yaklam wa u DC ka East Jaiñtia yow tip kammon da leh neibynta kani ka Committee.
Discussion about this post